ШТО МОЖЕМЕ ДА СОЗДАДЕМЕ
Од прва веб-страница до систем по мерка. Изберете што ѝ треба на вашата идеја.
WordPress веб-страници
Веб-страница што го претставува вашиот бизнис и лесно се развива со него. За компании, услуги и портфолија — со содржина што можете сами да ја уредувате. WordPress ви овозможува едноставно управување со содржината и додавање нови функционалности кога ќе ви бидат потребни. Ние се грижиме за изработката и техничката основа, а вие за содржината и развојот на вашиот бизнис.
Е-продавници
Е-продавница изградена според вашите производи и начинот на продажба, со јасна структура и едноставно купување за клиентите. Лесно управувајте со производи, цени, категории, залихи и нарачки од едно место. Продавницата е оптимизирана за мобилни и десктоп уреди и може да се надградува со нови функционалности и интеграции. Од дизајнот и развојот до поставувањето, ние се грижиме за техничката основа, а вие за продажбата и вашите клиенти.
Веб апликација развиена од нула
Ја претвораме вашата идеја во веб апликација — од кориснички профили и административни панели до автоматизација на процеси и поврзување со други системи. Секој дел се планира според потребите на проектот, со фокус на едноставно користење и ефикасно искористување на серверските ресурси. Со оптимизиран код решението може да расте и да се надградува со нови функционалности кога ќе бидат потребни.
Интерни деловни системи
Развиваме интерни деловни системи — од евиденција на корисници, документи и залихи до автоматизација на задачи и следење на работните процеси. Сè на едно место, за поедноставна и поорганизирана секојдневна работа. По потреба, системот може да се поврзе со софтверот и алатките што веќе ги користите и да се надградува со нови функционалности и интеграции. Од анализа на вашите процеси до развој и имплементација, го создаваме решението заедно со вас — практично, јасно и прилагодено на вашиот начин на работа.
Веб портали и медиуми
Веб портали развиени за вести, статии и мултимедијална содржина, со јасна структура и едноставно управување за вашиот тим. Содржината се организира преку категории, автори, тагови и галерии, а пристапот може да се прилагоди според улогите на уредниците и авторите. Порталот е оптимизиран за мобилни и десктоп уреди и може да се надградува со нови секции и функционалности како што расте вашиот проект.
КАКО РАБОТИМЕ
Јасен процес, чекор по чекор. Со вас во секоја фаза.
Ги запознаваме вашиот бизнис и идеја. Заедно ги утврдуваме целите, содржината и потребните функционалности.
Предлагаме структура и изглед што одговараат на вашиот бренд. Го усогласуваме дизајнот со вас пред изработката.
Го градиме сајтот и ги проверуваме функционалностите, формите и приказот на компјутер, таблет и телефон.
Го објавуваме сајтот, ви покажуваме како да го користите и ги договараме следните чекори за поддршка.
Различни бизниси. Различни приказни.
Секој проект со свој карактер.
Напредно e-commerce решение со онлајн продавница, имплементиран систем за онлајн плаќање и интерен систем за нарачки и материјално водење на залихи. Вклучува управување со монтажи и сервис, логови и администрација, достава и логистика со адресници, како и евиденција на магацини и залихи.
Медиумски портал на WordPress со управување и закажување објави по рубрики. Имплементирани се управување со рекламни позиции, фотогалерии и автоматско додавање водени жигови на фотографиите. Решението вклучува споделување на социјални мрежи, алатки за SEO оптимизација на содржината и XML мапи за пребарувачите.
Информативен портал на WordPress со управување со вести по рубрики и издвојување на најновите објави. Имплементиран е систем за управување со реклами и следење на прикажувањата, кликовите и стапката на кликање (CTR). Вклучени се споделување на социјални мрежи, алатки за SEO оптимизација на содржината и XML мапи за пребарувачите.
Две WordPress решенија за еден бренд — презентациски веб-сајт и онлајн продавница на WooCommerce со имплементиран систем за онлајн плаќање. Вклучува каталог по категории, управување со производи и нарачки и прилагодена навигација за десктоп и мобилен. За персонализираните торти е развиено прикачување фотографија на страницата на производот, со приказ во нарачката и сопствен додаток за управување со сликите.
E-commerce решение на OpenCart со одделни веб-продавници за часовници и оптика, достапни преку заедничка почетна страница. Вклучува интерен систем развиен во PHP за додавање, ажурирање и отстранување производи во двете продавници, како и евиденција на очни прегледи. Решението ги поврзува онлајн продажбата, одржувањето на каталозите и секојдневната работа на оптиката.
Медиумски портал на WordPress со сопствена PHP тема и администрација за вести, видеоемисии, фотогалерии и ТВ програма по денови. Вклучува YouTube видеа, управување со рекламни позиции и приказ на најчитани вести. Развиени се алатки за пренос на архивата од стариот систем и метаподатоци за правилно споделување на социјални мрежи.
Информативен портал на WordPress со сопствена PHP тема и динамичко вчитување вести преку REST API. Вклучува рубрики, мени со преглед на наслови, пребарување и поврзани објави по тема или автор. Развиени се интерактивни слајдери и прелистување содржина без повторно вчитување на целата страница, со приспособена мобилна навигација и контакт форма.
ПРАШАЊА И ОДГОВОРИ
Од буџетот до објавувањето — еве што е добро да знаете пред првиот разговор.
Имате друго прашање? Пишете ни.
Ние не веруваме дека едно решение одговара на секое барање затоа немаме однапред дефинирани ценовни пакети. Секој проект има свои потреби и функционалности па поради тоа цената зависи од бројот и типот на страниците, потребните функционалности, дизајнот и обемот на содржината. По разговорот за вашиот проект, го дефинираме обемот и подготвуваме понуда прилагодена на вашите конкретни потреби.
Времето за изработка зависи од сложеноста на сајтот, функционалностите и подготвеноста на материјалите. Откако ќе ги дефинираме барањата и обемот на проектот, го договараме рокот за изработка пред да започнеме.
Корисно е да имате основни информации за бизнисот, лого, текстови, фотографии и примери на веб-сајтови што ви се допаѓаат. Ако нешто недостига, нема проблем — на почетокот ќе утврдиме што е потребно и како ќе се обезбеди.
Да, доколку решението го овозможува тоа. Уште на почетокот договараме кои содржини ќе можете самостојно да ги уредувате, како што се текстови, фотографии или производи, и го прилагодуваме сајтот според тие потреби. По завршувањето на изработката, ќе добиете насоки за управување со содржината, а по потреба можете да се потпрете и на нашата техничка поддршка.
По објавувањето, сајтот може да продолжи со редовно одржување и техничка поддршка, во зависност од договорениот опсег. Пред почетокот јасно дефинираме што е вклучено во понудата, кој се грижи за сајтот и како се договараат идните промени и дополнувања. Доколку ви е потребна континуирана поддршка, можеме да договориме и месечно одржување.
